અમિતાભ બચ્ચન સંચાલિત લોકપ્રિય ટીવી શો કૌન બનેગા કરોડપતિ (KBC)નું ફરીથી ટીવી પડદે આગમન થઇ રહ્યું છે. આ એ એક એવો ક્વિઝ શો છે કે જે નાના બાળકોથી લઈને વૃદ્ધોને પણ ખૂબ જ પસંદ છે અને એનું સૌથી મોટું કારણ છે શોના હોસ્ટ અમિતાભ બચ્ચનની સંચાલન શૈલી. આ જ કારણ છે કે જ્યારે ગયા વર્ષે બિગ બીએ શો સમાપ્ત થઈ હોવાની જાહેરાત કરી ત્યારે તમામ દર્શકોની આંખો ભીની થઈ ગઈ હતી. પરંતુ હવે બિગ બી અને આ શોના ચાહકો માટે આનંદના સમાચાર આવ્યા છે કારણ કે ફરી એક વખત તેમને દેવીયોં ઔર સજ્જનો…ની ગૂંજ સાંભળવા મળશે.